كٌلمـإَتْ فيَ قَمـةْ ـآ‘إلروعٌهَ لـ الشٌـإعٌـر: حٌ ـآ‘إمد زيدَ
--------------------------------------------------------------------------------
بوقت من البطا
- بوقت من البطا وبليل تتراقص شياطينه
- بعد شفت الضيا ينزع من ثياب المسا ثلثين.
- تحايلت المنام اللي مثل بيتك تمرينه
- وأنا اللي من تفارقنا وانا ما غمضت لي عين .
- غريبه كل حلم يمر في رقادي تزورينه
- والأغرب كيف احلم الحلم وارجع واحلمه بعدين .
- قبل يومين شفتك في المنام وقمت من حينه
- ونمت أمس ورجع نفس المنام اللي قبل يومين.
- أنا اللي قبل اسافر شلت قلبي من شرايينه
- تركته في إيدك مثل الأمانه واحفظيها زين .
- ترى حفظ الأمانه دين ومجبورة تردينه
- أجل ما فيه أحد جد قالك حفظ الأمانه دين؟
- مرد المقفي بيلفي ويستوفي وتوفينه
- بعد ليله ثلاثه أربعه عشره شهر شهرين .
- إذا منتي بقد الكلام اللي تقولينه
- حرام استامنك حاجه وإذا جيت اطلبك تنسين .
- تخونيني وتبين أرضى ! واحد يرضى تخونينه ؟
- أنا لا جيت أخونك مع حبيبه ثانيه ترضين؟
- من اول ما رجعت من السفر ما شفت لك بينه
- وانا اللي كنت احسبك قبل لا ادوس ارض المطار تجين .
- تكونين انتي اول شخص عيني تحتضن عينه
- وقمت أتخيلك من زود فرحة رجعتي تبكين .
- واشوف بدمعتك حكيك واعرفه قبل تحكينه
- واجيب أحلى من اللي بتحكينه واتركك تحكين .
- تقولين الوطن نور , واقول بنور مضوينه
- تقولي لي غديت أحلى واقول عيونك الحلوين .
- كلام نام بشفاهك وخفتي لا تصحينه
- ذخرتيه للغرام اللي ينام ويتركك تصحين .
- تغانمتي غيابي لين رجحتي موازينه
- تعلم من ايدك لمس للكفوف وعلمك تجفين
.
- وليتك لا كاتبه شي فيني ما تلاقينه
- ماهو بغرور لكن خابرك ما لك أمل تلقين .
- تغافلتي بغلا وإلا الحلا ما هو من زينه
- تزينه الصور وإلا الصحيح ابن الحلال ازوين .
- وانا ماني بناقص عنه يوم إنك تبدينه
- نصيبي هو نصيبي لو يسددها من الصوبين .
- قنوع بمظهري والسم ما يذبح ثعابينه
- على قول المثل ماني حلو لكني ماني شين .
- إذا اهداك الزهر مره , فانا اهديتك بساتينه
- وإذا الهاك بفرح ليله , فانا تهت لبكاك سنين.
- إذا استضعفتك أملاكه وشتتك ملايينه
- أنا حتى فتات الخبز أقسمها معك نصين .
- طموحي بس أجي واظفر بشي تستحقينه
- تدينته , تسلفته ,سرقته مو مهم منين .
- كأني بكثر ما ارضى بكل اللي اتمنينه
- لو إن تطلبين الله يعنيني بقول آمين .
- انا مالعب على الحبلين وقت الطيش وسنينه
- تبين ألحين يوم إني كبرت ألعب على الحبلين ؟!
- ترى عند البدو بالذات عيب اللي تسوينه
- حلاتك لا عشقتيني تعشقيني ليوم الدين .
- غرام نسكن اظلوعه حشيمه من مجانينه
- جفا يجمع معزتنا .. ولا عشق يذل اثنين .
- إكثار اللي تحدوني وقالوا لي تحبينه
- أمانه لا تخليني صغير في عينهم تكفين .
- لاني كل ما قالوا تخون اقول مسكينه
- عليك الله وأمانه علميهم منهو المسكين .
- أنا خايف لا طاح الجمل تكثر سكاكينه
- وأنا ما عادت اضلوعي تحمل طعنة السكين .
- مثل ما قالوا المكتوب واضح من عناوينه
- لو ارحل منك للغربه بسافر من ظلامك وين؟
- كفايه كل حلم يمر فرقادي تزورينه
- كفايه من تفارقنا وانا ما غمضت لي عين .
- قبل يومين شفتك في المنام وقمت من حينه
- ونمت أمس ورجع نفس المنام اللي قبل يومين.
الثلاثاء أغسطس 18, 2009 8:08 am
